Aktori i njohur boterisht Vin Diesel ka festuar sot 50-vjetorin e lindjes. Prej vitesh ai ka krijuar miliona fansa në gjithë botën me lojën e tij aktoriale dhe aktualisht është i treti për nga ndjekësit që ka në rrjete sociale me 101 milionë ndjekës.
Një ditë më parë Diesel ka shpërndarë këtë video në Instagram ku flet për ditëlindjen dhe faktin se ndihet i mikluar për këtë ditë të veçantë.
“Ditëlindja ime është ditën e martë, por dua ta festoj bashkë me vëllain tim që jeton në Brooklyn me familjen e tij”, -ka thënë Diesel që ka shtuar se nuk ka asgjë më të bukur sesa kur rrethohesh nga njerëz që të duan, të dashur.
“Ndihem i përkëdhelur sot”, shton ai. Diesel është bërë i njohur për publikun me interpretimet e tij në disa filma duke arritur kulminacionin me seritë e “Fast&Furious”. E kush do ta mendonte qe edhe 50 vjeç Vin Diesel do të ishte në këtë super formë!
