Pasi u shpall “Non grata” edhe nga Britania e Madhe, kryetari i PD Sali Berisha nuk i ka kursyer akuzat ndaj ambasadorit britanik në vendin tonë Alastair King-Smith.
Berisha ka deklaruar gjatë një interviste në “Syri Tv” do të publikojë fakte të cilat vërtetojnë se ambasadori britanik është i korruptuar.
“Nuk dua që hapësirën informative ta kuptoj me fakte të reja, por ato do dalin dhe shqiptarët do e shohin sa të drejtë kishte Sali Berisha. Lidhur po them me ambasadorin britanik. Britania e Madhe është shtet ligjor, vërtetë është marrë një masë, por ka një kanal zyrtar ligjor që detyrohesh të apelosh para se të shkosh në gjykatën tjetër. Dhe aty do shihni shkallën ekstreme të korrupsionit të tij, të paimagjinueshme. Vetëm korrupsioni e bën atë. Të akuzosh Sali Berishën për lidhje me krimin, vetëm se unë kisha akuzuar për diçka tjetër kur ajo bandë është denoncuar nga Berisha 10 herë më shumë se të gjitha denoncime te bëra nga politikanët shqiptarë. Merr çdo bandë, shiko denoncimet e mia. Ajo bëhet për korrupsion monetar, politik. Nuk do i besoni veshëve.”-tha Berisha.
