Protesta e Opozitës është në ditën e saj të 9-të. Kështu “Çadrës së Lirisë” i janë bashkuar edhe familjarët e kreut të opozitës, Lulzim Basha.
Mësohet se vëllai i tij Erlindi, si dhe gruaja e këtij të fundit gjenden aktualisht në Çadër në mbështetje të protestës.
Disa ditë më parë në çadër në bulevardin ‘Dëshmorët e Kombit’, ku po mbahet protesta që prej 18 shkurtit, ka qenë edhe gruaja e liderit të opozitës Aurela Basha, e cila ka qëndruar për disa orë dhe ka dëgjuar problemet që tregonin qytetarët e ndryshëm.
Pra, përveç qytetarëve, të cilët vijnë nga e gjithë Shqipëria dhe që qëndrojnë me turne në çadrën e protestës, mbështetës të kauzës së kreut të PD-së, janë dhe familjarët e tij./opinion.al
