Sektori i krimit ekonomik në Policinë e Shtetit ka kallëzuar në prokurori ish-deputetin, Mysmyl Murrizi. Ky i fundit akuzohet për fshehje të pasurisë në kohën kur ka qenë deputet në Kuvendin e Shqipërisë. Hetimet kanë nisur për një shumë prej 60 mijë eurosh të padeklaruar po ashtu edhe për pastrim parash.
Mësohet se Drejtoria e Krimit Ekonomik kërkon nga Prokuroria e Tiranës, që të regjistrojë procedimin penal ndaj Myslim Murrizit, të dyshuar për kryerjen e veprës penale, ‘Fshehje e të ardhurave’, dhe ‘pastrim i i produkteve të veprës penale’, nene këto të parashikuara në kodin penal./Opinion.al
