Kryeministri Rama u acarua me pyetjet e gazetarit nga Kosova në konferencën e përbashkët me Haradinajn pas përfundimit të mbledhjes së dy qeverive.
“Flitet se ka marrëveshje të fshehtë mes teje dhe Vuçiç për ndarjen e Kosovës. Po kështu thatë se demarkacioni me Malin e Zi ishte një gabim…” i tha gazetari i Klan Kosovës.
Rama këtu ndërhyri duke iu kthyer me një ton të ashpër gazetarit: “Ku e dëgjove ti, apo në kazan, shko në kazan dhe fol çfarë të dush, por jam unë këtu, unë këtu jam. Këtu jam përballë po deshe hajde më prek…” Ai mohoi të ketë thënë se demarkacioni me Malin e Zi ishte një gabim, por në fakt Rama në konference tha se Demarkacioni u votua për shkak të presionit nga BE-ja.
Më tej kryeministri u përgjigj edhe për deklaratën e ministrit të Financave të Shqipërisë Arben Ahmetaj, i cili ka deklaruar se taksa e Kosovës ndaj Serbisë është e pashëndetshme.
Rama tha se Ahmetaj nuk ka pse të pendohet për këtë deklaratë pasi ka folur në terma ekonomikë dhe në këtë pikëpamje tarifat nuk janë të shëndetshme, por Rama shtoi se në këtë rast bëhej fjalë për reagim politik dhe ky vendim i Kosovës është i drejtë.
“Ministri Ahmetaj nuk ka për cfarë të pendohet, ka thënë se për ekonominë tarifat janë të pashëndetshme, por ajo që kam thënë dhe e përsëris është se këtu nuk jemi në kuadrin e një lufte tregtare është një reagim politik”, deklaroi ai.
Perplasja me gazetarin ne minuten 15:30
