Nudistët në rajonin spanjoll të Katalonjës po luftojnë kundër një tendence në rritje të turistëve që bëjnë banjo dielli me rroba banjo duke treguar sipas tyre një “mungesë respekti” ndaj tyre.
Presidenti i Federatës Naturiste-Nudiste të Katalonjës, Segimon Rovira, i ka dërguar një letër qeverisë lokale në emër të Federatës Naturiste-Nudiste të Katalonjës, të cilën ai e drejton, për të apeluar “diskriminimin” me të cilin po përballet lëvizja e tij.
“Më parë, njerëzit mbërrinin në një plazh nudo dhe ose largoheshin ose zhvisheshin”, tha 56-vjeçari për Guardian të premten.
“Tani ata qëndrojnë dhe mbajnë rrobat e banjës. Por ajo që ata nuk e kuptojnë është se, nëse ka shumë si ata dhe bëjnë që të mos ndihemi mirë. Është mungesë respekti.”
Shteti i Katalonjës ka një traditë prej dekadash të njerëzve që zhvishen nudo në plazhe, por Rovira mendon se kultura po komprometohet nga turistët. Si rezultat, ai tha se nudistët tani po zgjedhin gjithashtu të mbeten të veshur.
Në letër, ai kërkonte që qeveria katalanase të mbante një takim për “diskriminimin me të cilin përballen nudistët në plazhe” me rreth 50 gjire në rajon të ndikuar potencialisht.
Për më tepër, grupi po shqyrton fushatat e mediave sociale, sinjalistikën, protestat dhe përpjekjet e mëtejshme ndërgjegjësuese për t’i mbajtur plazhet mikpritëse ndaj lakuriqësisë.
