Një 23-shqiptar, punonjës i një hoteli, është lënë i lirë dje nga një gjykatë në ishullin grek të Rodosit, pasi u arrestua pas denoncimit të bërë nga një turiste 18-vjeçare norvegjeze.
23-vjeçari, identiteti i të cilit nuk bëhet i ditur, u arrestua mëngjesin e së martës në zonën ishullore të Ialysos, pas kallëzimit të një 18-vjeçareje, e cila pretendonte se ishte detyruar nga 23-vjeçari që të kryente marrëdhënie seksuale me forcë në plazhin kryesor të Ialyssos.
E reja tha se pasi e takoi shqiptarin, ecën së bashku në plazh dhe pasi pinë alkool, shqiptari e detyroi të kryente marrëdhënie seksuale me të, raporton Syri.net.
Por, ky i fundit, i ka mohuar akuzat. Madje, ai tha se 18-vjeçarja erdhi vetë te ai dhe ishte ajo që këmbënguli për të kryer marrëdhënie.
Madje, shqiptari, ka ndërmend të ngrejë akuza për kallëzim të rremë ndaj 18-vjeçares, shkruajnë mediat greke./Syri.net
