Deputeti i Partisë Demokratike Flamur Noka ka reaguar për mediat lidhur me një mbledhje të grupit parlamentar të PD-së.
Noka tha se PD është në krizë të thellë dhe se kërkohet zgjidhje që shkon përtej karriges së kryetarit.
“Kërkohet zgjidhje për këtë parti dhe zgjidhja është përtej karriges së kryetarit. Kjo është ajo që u kërkua nga Tomorr Alizoti, nga unë dhe disa deputetë të tjerë”.
I pyetur nga gazetarët lidhur me nismën e zotit Berisha, Noka tha se kuvendi do të mblidhe: “E rëndësishme është që kuvendi do të mblidhet dhe nuk mblidhet për asgjë tjetër vetëm për të kthyer ligjshmërinë, për t’i dhënë frymëmarrje partisë”, u shpreh Noka. Kujtojmë se Flamur Noka është një nga deputetët që ka mbështetur nismën e ish-kryetarit të partisë, Berisha./Opinion.al
