TIRANE- Ministri i Brendshëm Saimir Tahiri dhe parardhësi i tij në detyrë Flamur Noka, u përfshinë paraditen e sotme në debate të ashpra, aq sa është ndërprerë dy herë mbledhja e Komisionit Parlamentar të Sigurisë Kombëtare. Debati i nisur kur Tahiri po raportonte në lidhje me ligjin mbi etikën në Policinë e Shtetit u mbyll me ofendime dypalëshe, aq sa kreu i këtij komisioni Spartak Braho vendosi fillimisht ndërprerjen e kësaj seance.
Ndërsa ministri fliste për ndryshimet e nevojshme që duhet të përfshijnë efektivët dhe gjendjen ku qeveria e gjeti policinë e Shtetit, ish-ministri demokrat Noka ka ndërhyrë duke i cilësuar deklaratat e Tahirit si gënjeshtra.
