Pas përgjigjes së Drejtorisë së Sigurimit dhe Informacionit të Klasifikuar, lidhur me dhënien e certifikatës për verifikimin e sigurisë për Gent Cakajn, ka reaguar Partia Demokratike.
Deputeti i Flamur Noka, në emër të PD, është shprehur se vetë DSIK e ka pranuar që “me te preferuarin e Edi Rames beri ate qe nuk e ka bere per asnje zyrtar qe duhet te pajiset me certifikate sigurie: e verifikoi brenda 24 oreve.”
Më herët, në një njoftim zyrtar DSIK sqaron situatën që sipas saj është e vërteta e të gjithë debatit të hapur prej dritës së djeshme.
“DSIK administron përgjigjet zyrtare të Autoriteteve Verifikuese brenda vendit; SHISH, SHÇBA, si dhe të Agjencisë së Kosovës për Inteligjencë (AKI), si i vetmi Autoritet Verifikues i Republikës Kosovës, (pasi z. Cakaj mban edhe shtetësinë e Kosovës, krahas shtetësisë shqiptare)”, thuhet më tej në njoftimin e DSIK.
Ndërsa në fund deklarohet se: DSIK administron dokumentacion të plotë lidhur me procedurat e ndjekura dhe informacionin e përftuar në funksion të verifikimit të sigurisë dhe të pajisjes me CSP të z. Gent CAKAJ.
