Ditën e sotme ish-ministri i brendshëm Saimir Tahiri ka qenë në qendër të vëmendjes së opinionit publik për shkak të dyshimeve për implikim në trafikimin e drogës me vëllezërit Habilaj.
Gjithë vëmendja mediatike e po ashtu ajo e opinionit publik në Shqipëri është zhvendosur pikërisht tek Tahiri, për këtë ka patur shumë reagime në radhët e politikës. Si nga qeveria ashtu edhe nga opozita ka patur një sërë deklaratash, ndërkohë ka rënë në sy heshtja e kryebashkiaku Erion Veliaj.
Prej shumë kohësh ne media flitet për një betejë të ashpër brenda grupit të PS, mes Tahirit dhe Veliajt, për shkak se të dy kanë pretenduar për kryetar të PS, pas ikjes së Ramës, shkruan opinion.al
Tashmë po duket qartë që këtë garë e fitoj Veliaj, por çfarë po bënte ky i fundit kur ditën e sotme kur Prokuroria e Krimeve të rënda ka depozituar në Kuvend kërkesën për heqjen e mandatit të Saimir Tahirit si deputet?
Paraditen e sotme kryetari i bashkisë së Tiranës, Erion Veliaj, u ka shërbyer drekë njerëzve në nevojë në kuadër të ditës së lumturimit të Nënës Terezë. Ai u shoqërua edhe nga këngëtari i njohur Noizy.
Ata kanë qenë në një nga shtatë qendrat sociale të bashkisë “Të qëndrojmë së bashku”. Veliaj theksoi se vepra e Nënë Terezës, na frymëzon për më shumë dashuri ndaj atyre që janë në vështirësi, por duke m0os thënë asnjë fjalë për çështjen Tahiri.
“Jam shumë i lumtur që jam sot bashkë me Noizyn në ditën e Nënë Terezës, për t’u shërbyer atyre që nuk kanë të gjitha mundësitë që ndoshta ka shumica e Tiranës, që janë të moshuar dhe fëmijët i kanë larg. Në ditën e Nënë Terezës, mënyra më e mirë për ta përkujtuar atë është duke u shërbyer atyre që janë më nevojtarë. Sot bëmë diçka të vogël me dashuri të madhe, që shpresoj se do të kopjohet nga të gjithë. Besoj se kjo energji dhe kjo dashuri që na frymëzon vepra e Nënë Terezës, të lërë një impakt në qytetin tonë dhe në çdo cep të Tiranës ku ka nevojë për më shumë solidaritet”, ka thënë Veliaj.
Ndërkohë kryebashkiaku i Tiranës, Erion Veliaj, është nisur për fundjave jashtë shtetit. Burime të Lapsi.al thonë se Veliaj është parë sot pasdite në daljen ‘VIP’ të aeroportit të Rinasit, andej nga nga ku kalon vetëm Edi Rama./OPINION.AL
*Foto nga dreka e e te moshuarve
