Futbollisti i njohur, njëherësh Ish-kapiteni i Kombëtares, dy ditë më parë u vu në fokus të mediave, për shkak të një “selami” që i dërgoi përmes rrjetit social Facebook mikut të tij, reperit Noizy.
Sipas Canës, Noizy kishte thënë ditë më parë se është më i bukur se ai, gjë që sipas Lorkut nuk është e vërtetë.
Për ta vërtetuar këtë gjë, Loriku publikoi një fotografi në Instagram, ku u kërkonte fansave të komentojnë se cili është më i bukur, ai apo Noizy?
Pas këtij “votimi” i cili zgjati dy ditë, Cana ka kalkuluar rezultatin, i cili doli të jetë 72 për qind për Lorikun, dhe 28 për qind për Noizyn.
Por, ky nuk mund të cilësohet si vlerësim real, ngase votimi është bërë në faqen zyrtare të Canës në Instagram, çka tregon se shumica e votuesve kanë qenë fansa të tij, të cilët edhe kanë votuar për të.
Ndërkohë, Noizy nuk ka reaguar fare ndaj këtij postimi të Lorikut në Instagram.
