Në maj të këtij viti, dukesha e Sussex, Meghan Markle, solli në jetë fëmijën e parë të saj dhe princ Harry-t, një djalë të cilin e pagëzuan me emrin Archie Harrison, por sigurisht që në familje s’kanë munguar edhe nofkat për të voglin. Këtë e ka zbuluar vetë Meghan gjatë vizitës së saj dhe Harryt në Afrikë.
Teksa takuan Kryepeshkopin Desmond Tutu, Meghan e thiri me përkëdheli bebushin “Bubba”, duke zbuluar për të gjithë se kjo është nofka e tij. Madje, dukesha e quajti të birin “flirtues”, kur pa se ai po qeshte me vajzën e Kryepeshkopit, Thandeka Tutu-Gxashe.
“Atij i pëlqen të flirtojë”- u shpreh Meghan me humor për të birin, i cili megjithëse është vetëm 4 muajsh, është kthyer në kryefjalën e mediave dhe rrjeteve sociale./Opinion.al
