Kryeministri Edi Rama u është përgjigjur sot pyetjeve të komentuesve që i kanë ardhur në rrjetet e tij sociale.
Në rubrikën “Sy m’sy”, Rama i ka kërkuar qytetarëve që të bëjnë durim edhe 30 ditë dhe tëshohin çdo të ndodhë më 11 maj.
Ai ka ironizuar partitë e tjera politike, teksa i paralajmëron se për ta 11 Maji do të jetë shumë i trishtueshëm dhe i dhimbshëm.
“Mos e cysni Nocin, sepse sa më shumë e cysni, aq më shumë do t’ju dhembi 11 maji, do dilnim shumë të trishtuar nga 11 maji. Lëreni procesin të bëjë të vetën. Ju keni të drejtën të mendoni si të doni, prapësht, por është e drejta juaj. Keni të drejtën të ëndërroni, të imagjinoni se në 11 maji do keni popullin me vete, gjë që nuk ju ndodh.
Ju me popullin nuk keni përputhje për mënyrën si e shikoni gjerat dhe si i kuptoni gjërat, sepse populli shqiptar nuk kthehet më prapa. Prisni duroni, edhe 30 ditë, pastaj do të shihni kujt do t’i trokasë Noci tek dera, e dhimbshme do jetë”, tha Rama.
