Fituesi i çmimit Nobel për Letërsinë për vitin 2019 u shpall shkrimtari 76-vjeçar austriak Peter Handke. Ai është i njohur për qëndrimet e tij kundër bombardimeve të NATO’s që sollën Lirinë në Kosovë.
Shkrimtari, të cilit sot iu akordua çmimi prestigjioz njihet gjithashtu për lidhjet e tij me serbët dhe kundërshtinë ndaj bombardimeve të Natos në vitin 1999.
Për akordimin e çmimit prestigjioz ndaj tij ka reaguar Ministri i Jashtëm në Detyrë, Gent Cakaj, i cili e quan Nobelin për Handke si një akt të poshtër dhe të turpshëm që po dëshmojmë në vitin 2019.
“Si një besimtar i apasionuar ndaj bukurisë dhe fuqisë së përjetshme të letërsisë për të pasuruar përvojën njerëzore dhe si viktimë e spastrimit etnik dhe genocidit, unë jam tmerruar nga vendimi për t’i dhënë çmimin Nobel në letërsi një mohues të genocidit. Çfarë akti i poshtër dhe i turpshëm për të cilin jemi dëshmitarë në 2019-ën,”-ka përfunduar Cakaj në Twitter.
Gjithashtu gjatë luftës në ish Jugosllavi, 1992 1995 që shkaktoi mbi 100 mijë viktima, shkrimtari Handke akuzoi një pjesë të madhe të mediave përendimore se mbronin sistematikisht qëndrimet anti-serbe. Ai është gjithashtu anëtar i akademisë së shkencave dhe arteve të serbëve të Bosnjës./Opinion.al/
