Të gjithë punonjësit e Nju Jorkut do të duhet të vaksinohen, nëse do të duan të shkojnë në punë.
Këtë gjë e bëri të ditur, ditën e hënë, kryebashkiaku Bill de Blasio. Sipas tij, kjo është një masë parandaluese për të luftuar rritjen e rasteve të Covid-19 këtë dimër.
Kjo masë do të përfshijë mbi 184,000 biznese të sektorit privat dhe do të hyjë në fuqi më 27 dhjetor. Punonjësit nuk do të kenë mundësi të testohen, prandaj ata do të jenë të detyruar të vaksinohen nëse do të duan të ruajnë punën.
“Sektori publik prej disa kohësh ka marrë urdhër të vaksinojë punonjësit, por tashmë kjo gjë do të shtrihet dhe në sektorin privat”, tha De Blasio.
Ndër të tjera ai tha se punonjësit do të duhet të kenë të paktën një dozë deri me 27 dhjetor.
“Vaksinat janë e vetmja gjë që mund ta kthejë këtë luftë dhe të bëjë ndryshimi”, përfundoi De Blasio duke shtuar se tashmë Nju Jorku mund të konsiderohet si qyteti i parë që bën të detyrueshëm vaksinimin në sektorin privat.
De Blasio tha se qëllimi i kërkesave të vaksinimit është të shmangen mbylljen, ashtu siç ndodhi në mars 2020, kur Covid-19 shkatërroi qytetin e Nju Jorkut dhe ekonominë e tij./Opinion.al
