Kryeministri Rama ka njoftuar nga Mynihu se Ministri Federal gjerman i Transporteve është ka shprehur konsiderata pozitive përsa i përket transformimeve në Drejtorinë e Transportit Rrugor.
“Misioni ynë teknik në Tiranë është befasuar nga transformimet që keni kryer në Drejtorinë e Transportit Rrugor, përmes digjitalizimit të shërbimeve! Zgjidhjet e reja digjitale që keni realizuar janë origjinale dhe bindëse për t’i përcjellë Qeverisë Federale një opinion pozitiv”, citon Rama ministrin gjerman.
Sipas kryeministrit, ky është një lajm i mirë për të gjithë ata që presin njohjen e patentave të drejtimit të makinave të tyre në Gjermani.
Megjithatë Rama shkruan se ky proces do të kërkojë pak kosh pas aprovimi i njohjes së patentave në Gjermani duhet të kalojë përmes 16 parlamenteve të landeve të Republikës Federale të Gjermanisë.
Kujtojmë se për Maqedoninë e Veriut që nga momenti kur Republika Federale hartoi marrëveshjen dhe ia parashtroi Konferencës së Ministrave dhe derisa marrëveshja u miratua me të vërtetë, kaluan pesë vjet. Procesi i njohjes së patentave mes Shqipërisë dhe Gjermanisë, ose Kosovës dhe Gjermanisë ndodhet ende në hapat e para, dhe ka shumë të ngjarë që të përfundojë pas shumë vitesh. /Opinion.al
