Pasi Sindikata e Punonjësve të Shërbimit Shëndetësor njoftoi protestë ditën e nesërme në sheshin para spitalit nr. 1, pranë Qendrës Spitalore Universitare “Nënë Tereza”, ka reaguar kryeministri Rama.
LEXO EDHE: Mjekët nesër në protestë para QSUT, policia refuzon kërkesën
Ai i ka ftuar mjekët në një takim në zyrën e tij në orën 9:00, një orë para protestës së paralajmëruar.
Mjekët kërkojnë përmbushjen e katër pikave nga institucionet shtetërore. Përveç rritjes së pagave dhe sigurimit të kushteve optimale të punës ata kërkojnë edhe sigurimin e jetës si edhe shpalljen dëshmorë të kombit për ata pjesëtarë të personelit shëndetësor që humb jetën në luftën me COVID-19.
Por policia ka refuzuar kërkesën e mjekëve për zhvillimin e protestës.
Në përgjigjen e saj ajo nënvizon se nuk lejohen grumbullimet në kohë pandemie./ Opinion.al
