Fluturimet drejt Italisë më 6 shtator do të kenë vonesa.
Autoriteti i Aviacionit Civil Shqiptar ka lajmëruar ditën e sotme qytetarët që do të udhëtojnë në datën 6 Shtator 2019 nga Tirana drejt Italisë dhe anasjelltas se do të ketë vonesa dhe anulime të fluturimeve. Kjo gjë pritet të ndodhë si pasojë e një greve të përgjithshme të transportit kombëtar në Itali.
“Për të shmangur pritjet e gjata, këshillojmë të gjithë personat që kanë parashikuar të udhëtojnë nga dhe drejt Italisë në datën 6 Shtator të kontrollojnë dhe të komunikojmë me kompanitë ku kanë rezervuar biletat e udhëtimit për tu njohur nëse afektohet fluturimi juaj” njofton AAC. /Opinion.al
