Nëse jeni duke aplikuar për një vizitë turistike në Shtetet e Bashkuara të Amerikës apo e keni synim në të ardhmen nuk ju nevojitet më një garanci nga personi që ju pret nga përtej Atlantikut.
Përmes një njoftimi për mediat ambasada njofton se është hequr ky kriter që penalizonte shumë qytetarë që dëshironin të udhëtonin për turizëm në SHBA, por nuk kishin një dokument nga “pritësi”. Dhe e rëndësishme gjatë aplikimit për vizë është intervista ndaj këtu duhet të tregoheni më të kujdesshëm.
Ja çfarë thuhet në njoftim
Po planifikoni pushimet në SHBA? Po aplikoni për vizë? Ju nuk keni nevojë të paraqitni një garanci në intervistën tuaj për vizë turistike! Pasaporta juaj dhe fleta e konfirmimit të formularit DS-160 janë gjithçka na nevojitet në intervistën tuaj. Kini parasysh që vendimet nuk bazohen tek dokumentet; bazuar në intervistën tuaj, oficeri konsullor do të vendosë nëse ju kualifikoheni për vizën. Si zakonisht, do t’u përgjigjem me kënaqësi pyetjeve tuaja mbi vizat sot dhe gjatë javës!
/Opinion.al
