Hapet rruga Elbasan-Tiranë. Sot Autoriteti Rrugor në bashkëpunim me policinë rrugore kanë hapur provizorisht qarkullimin e automjeteve në sensin Elbasan-Tiranë dhe Tiranë Elbasan me një kalim në vendin ku ndodhi rrëshqitja masive e shkëmbit.
Automjetet tashmë nuk është e nevojshme ti bien nga rruga e vjetër e Kërrabës, por mund të përdorin bypass-in.
Në këtë vend janë vendosur forca policie dhe punonjës të ARSH që normalizojnë qarkullimin e automjeteve.
Nëse rruga do të paraqesë probleme mund të bllokohet. Nëse jo qarkullimi për rreth 2 km do të vazhdojë në këtë mënyrë deri në stabilizimin përfundimtar.
Njoftimi i ARRSH-së
Sot ARRSH dhe Policia Rrugore kane hapur bypass-in provizor per kalimin e automjeteve ne sensin Elbasan-Tirane dhe Tirane-Elbasan me nje kalim. Automjetet qe vijne nga Elbasani nuk eshte e nevojshme ti bien Kerraba por mund te perdorin bypass-in.
Eshte vendosur sinjalistika perkatese dhe ka sherbime te shtuara te punonjesve te ARRSH dhe Policise ne terren per udhezimin e drejtuesve te automjeteve.
ARRSH dhe Policia Rrugore u bejne thirrje qytetareve qe do te perdorin kete aks te reduktojne shpejtesine dhe te respektojne sinjalistiken e vendosur.
