Quhet Armatix iP1 dhe është një ndër armët e cila përdor teknologjinë “smart”. E dizenjuar dhe programuar nga kompania gjermane Armatix, ajo mund të krahasohet me llojin e pistoletës së përdorur nga James Bond, e cila mund të qëllojë vetëm prej personave të autorizuar.
Ajo peshon 518 gram, me kalibër 22LR, dhe me fuqi gjuajtjeje deri në 69 metra. Ajo përdoret nëpërmjet një ore smart të quajtur W1 Active RFID. Në mënyrë që pistoleta të funksionojë, ora duhet të jetë afër saj minimalisht 25 centimetra. Ora lejon identifikimin e përdoruesit, dhe pa prezencën e saj arma nuk është funksionale. Gjithashtu në orë tregohen të dhëna në lidhje me plumbat e shkarkuar, largësinë e tyre, dhe fuqinë.
Arma është e programuar të qëllojë vetëm në një objektiv të zgjedhur, dhe nëse tenton të qëllohet jashtë objektivit arma del automatikisht jashtë funksionit. Prej kohësh vendet të cilat kanë legalizuar armëmbajtjen po mendojnë rishikimin e ligjit duke lejuar vetëm posedimin e armëve smart. /Opinion.al
