Rusia ka caktuar aktorin amerikan Stiven Seagal si një të dërguar të posaçëm për të përmirësuar lidhjet me Shtetet e Bashkuara. Seagal iu dha shtetësia ruse në vitin 2016 dhe ai e vlerësoi Presidentin Putin si një udhëheqës të madh botëror.
I lindur në SHBA, ylli i arteve marciale fitoi famë ndërkombëtare për rolet në vitet ’80 dhe ’90 tek “Under Siege”.
Ai është gjithashtu një nga yjet e Hollivudit të akuzuar nga disa gra për abuzime seksuale në vazhdën e fushatës #MeToo, të cilën ai e ka mohuar.
Ministria e Jashtme ruse bëri një njoftim në faqen zyrtare të Facebook, duke thënë se ky rol pa pagesë për Seagal është i ngjashme me atë të një ambasadori të vullnetit të mirë të Kombeve të Bashkuara dhe Seagal do të promovojë marrëdhëniet SHBA-Rusi “në sferën humanitare”.
Ylli i “Flight of Fury”, i cili është ende i popullarizuar me audiencën ruse, ka mbrojtur kohët e fundit qeverinë ruse nga pretendimet se ajo ndërhyri në zgjedhjet e 2016-s në SHBA. 66-vjeçari Seagal kur iu dha shtetësisë ruse, tha se shpresonte se do të ishte një simbol se si marrëdhëniet midis Moskës dhe Uashingtonit po fillonin të përmirësoheshin.
