Egoistë, arrogant dhe mendjemëdhenj, duket se shenjat e mëposhtme të zodiakut nuk njohin përemër tjetër vetor veç “Unë” ! Ndonjëherë, mund të mendoni: e ç’të keqe ka të mendosh për veten para të gjithëve? por të qenët egocentrik, të menduarit se ju vleni mbi të tjerët, dhe mungesa e empatisë, nuk janë fort virtyte me të cilat duhet të mburreni!
Ndonëse shumë gjëra në jetën tonë janë rezultat i zgjedhjeve tona, pra ne vetë vendosim për fatin tonë, jo rrallë herë yjet hyjnë në lojë e në këtë rast për ta zbutur pak situatën, themi që shenjat e mëposhtme të zodiakut “drejtohen” nga forcat e jashtme kur tregohen egoiste, mendjemadhe dhe arrogante, pra , jo se duan!
DASHI
Kur e kuptoni se çfarë dëshironi, thjesht shkoni për ta marrë. Është diçka pozitive, për aq kohë sa mund ta kontrolloni. Ja që shpesh ndodh që situata t’ju dalë jashtë kontrollit. Natyrisht, mundoheni ta shpjegoni pse copa e fundit e picës e mbetur në kuti ju takon juve dhe askujt tjetër, ndërsa në sytë e të tjerëve mbeteni gjithmonë i etiketuar si…egoist!
DEMI
Edhe pse njiheni si një shenjë plot stabilitet dhe besueshmëri, nevoja për t’u ndjerë të sigurt ju shtyn të mendoni kryesisht për aspektin material (mbi të gjitha!) Shpesh bëheni senstiv, shumë emocional dhe posesivë të tepruar. Doni gjithçka për vete dhe vetëm për vete. Uh, disi problem kjo e fundit…
BINJAKËT
Shquheni për ndjenjën e komoditetit që dhuroni, por nga ana tjetër kjo mund të ndryshojë nga çasti në çast. Si pasojë e taktikave tuaja të pandryshueshme, në sytë e të tjerëve mund të dukeni si sipërfaqësorë dhe pa karakter. Duke u përpjekur të fitoni terren kudo që shkoni, jeni gati të ndërroni maskat nga çasti në çast, vetëm për të arritur atë që dëshironi, sipas Bordo.al. Epo, miqve të ngushtë që ju rrethojnë, shpesh nuk ju pëlqen kjo situatë!
