Kompania globale e lëvizshmërisë, ECA International, ka publikuar këtë vit listën e saj me dhjetë qytetet e botës, në të cilat për të qenë një banor i përhershëm, duhet të fusësh dorën thellë në xhep.
Por, në bazë të cilëve faktorë është formuar kjo renditje?
Një rol veçanërisht të rëndësishëm luajnë çmimet e produkteve bazë të çdo familjeje, pavarësisht nga vendi dhe kultura, si qumështi dhe vaji i gatimit, por edhe kostot e qirasë, transportit publik dhe dinamika e përgjithshme e këmbimit valutor “vendas”.
Edhe për një vit tjetër, Hong Kongu kryeson listën. Diçka që nuk ka ndryshuar në tre vitet e fundit.
Në dhjetëshen e tij, ai shoqërohet edhe nga pesë qytete të tjera të mëdha të Azisë. Tokio, Shangai, Seuli dhe, jo aq popullor në krahasim me të lartpërmendurit, Guangzhou, qendra kryesore ekonomike e Kinës jugore.
Nëse nuk doni të ndiqni Rrugën e Mëndafshit për në Azi, dhe për rrjedhojë të rrisni koston e jetesës, ka disa qytete që, ndryshe nga sa më sipër, kanë humbur vende ne renditje.
Parisi dikur ishte në krye, por tani është në vendin e 30-të. Qytete të tjera të tilla janë Madridi, Roma dhe Brukseli.
“Pothuajse çdo qytet i madh në Eurozonë është dashur të bjerë një shkallë këtë vit, pasi euro ka tejkaluar dollarin amerikan dhe paundin britanik gjatë 12 muajve të fundit”, tha Këan.
Sigurisht që ka pasur faktorë të jashtëm që kanë luajtur rol, si politika dhe polemika ndërkombëtare. Pushtimi i Rusisë në Ukrainë dhe sanksionet nga shumë vende shoqëruese, e çuan Moskën në vendin e 62-të dhe Shën Petersburgun në vendin e 147-të.
“Crème de la Crème” evropiane
Qytetet më të shtrenjta evropiane janë Gjeneva, Londra dhe Cyrihu (u rendit i 3-ti pas Nju Jorkut). Vlen të theksohet se Zvicra përdor frangën zvicerane dhe jo euron.
Sigurisht, Covid-19 ndikoi gjithashtu në shumë aktorë ekonomikë dhe zinxhirë globalë të furnizimit, duke formuar këtë listë.
Njësia e Inteligjencës Ekonomike (EIU) në Londër publikon një listë përkatëse çdo shtator.
Në vitin 2021, Tel Avivi u kurorëzua si vendi më i shtrenjtë për të jetuar, me Parisin dhe Singaporin që ndajnë shkallën e dytë.
Hong Kongu ishte në vendin e pestë, pas Zyrihut. Në vitin 2020, vendi i parë kishte tre fitues, Hong Kongu, Zyrihu dhe Parisi.
Të dyja listat marrin parasysh artikujt e përditshëm, si blerjet në supermarket dhe çmimet e karburantit. EIU, megjithatë, varet shumë nga vlera e dollarit amerikan. Pra, ekonomitë që bëjnë të njëjtën gjë si ekonomia e Hong Kongut kanë më shumë gjasa të rriten.
E vetmja gjë e sigurt është se qytetet e Azisë, Evropës dhe Amerikës së Veriut janë shumë më të shtrenjta se pjesa tjetër e botës.
LISTA
Hong Kong
New York
Geneva
London
Tokyo
Tel Aviv
Zurich
Shanghai
Guangzhou
Seoul
