Një shtetas banues në Francë dhe një tjetër banues në Turqi janë kapur nga Policia e Durrësit.
Sipas uniformave blu, është arrestuar shtetasi me inicialet R.Y., 40 vjeç, banues në Francë, ndërsa është proceduar penalisht shtetasi turk me inicialet D.E..
Mësohet se ata u ndaluan nga policia kufitare e Portit të Durrësit pasi në automjetin e drejtuar nga 40-vjeçari, banues në Francë, u gjetën të fshehur 2 shtetas të tjerë, me qëllim kalimin e paligjshëm të kufirit.
“Specialistët për Hetimin e Krimit në DVP Durrës arrestuan në flagrancë shtetasin R. Y., 40 vjeç, banues në Francë dhe proceduan penalisht shtetasit D. E., banues në Turqi, pasi në PKK Port Durrës, në automjetin që drejtonte shtetasi R. Y., u gjetën të fshehur 2 shtetasit e tjerë, me qëllim kalimin e paligjshëm të kufirit”, thuhet në njoftimin e policisë.
Materialet në ngarkim të tyre i kaluan prokurorisë së Durrësit për veprime të mëtejshme./Opinion.al
