Një statujë prej dylli e Adolf Hitler në një muze në Indonezi ka ngjallur mjaft polemika, çka ka detyruar drejtuesit e muzeut ta heqin atë.
Shkak është bërë dyndja e njerëzve të interesuar dhe fotografitë e postuara në rrjetet sociale përkrah ish-liderit nazist, statuja e të cilit kishte në sfond Aushvizin, kampin famëkeq të përqendrimit.
Fotot në rrjetet sociale shfaqin disa njerëz, përfshirë edhe një grup të rinjsh të cilët pozonin duke bërë shenjën përshëndetëse naziste.
Ankesa për statujën e Adolf Hitler u bë nga aktivistët e organizatës për të drejtat e hebrenjve.
Stafi i muzeut reagoi duke thënë se vendosja e Hitlerit nuk ishte qëllim përhapjen e frymës naziste, por thjesht të edukimit.
Muzeu i dyllit në Indonezi është një ndër më të vizituarit në Azi. Aty gjenden statujat e politikanëve më të njohur të botës dhe njerëzve të famshëm, si ish-presidenti amerikan Barack Obama, ish-lideri afrikano-jugor Nelson Mandela, Mbretëresha Elizabeta II apo ish-kryeministrja britanike Margaret Thatcher.
Tv Klan
