Në protestën e opozitës është bashkuar dhe një eksponent i Republikanëve amerikan. Pasditen e sotme para protestuesve të PD doli Sekretari i Përgjithshëm i Rinisë në partinë e Trump, Jason Emert. Ai u shpreh i bindur se Basha do të jetë kryeministri i ardhshëm dhe u bëri thirrje demokrateve të mos mërziten me protestën por ta vazhdojnë atë deri sa të arrihet kërkesa për qeveri teknike.
Pjesa nga fjala e tij
E di që kjo është një Levizje. Kam shumë miq në Shqipëri dhe pasi i kontaktova u thashë që do te vij e te jap mbështetje.
Partia Republikane, Presidenti Trump premtuam për ta bërë Amerikën madheshtore sërish dhe ne do të mbështesim miqtë tanë kudo në botë që duan të bëjnë vendin e tyre madhështor.
Ju nuk i meritoni këta të inkriminuar. Asnjë vend nuk dëshiron dhe meriton të drejtohet nga krimi i organizuar apo nga bandite.
Në Shtetet e Bashkuara të Amerikës dhe në çdo vend demokratik ne mbështesim shtetin ligjor, ne mbështesim zgjedhjet e lira dhe të ndershme, ne mbështesim të drejtën tuaj për të zgjedhur.
Jam këtu për tju mbështetur dhe për të siguruar se Basha do të jetë Kryeministri i ardhshëm i Shqipërisë.
Por nuk do t’u gënjej, kjo nuk do të jetë e thjeshtë. Sot jemi në natën e 13-të dhe mbase mund të duhen edhe 300 të tjera por duhet të qendroni me këtë Levizje, sepse nuk do të ketë kënaqësi më të madhe se sa ti shporrni këta të inkriminuar dhe banditë dhe të zgjidhni një qeveri të lirë dhe demokratike.
Nga një qasje ndërkombëtare, nuk ka zgjidhje tjetër, vetëm një qeveri teknike. Sepse çdokush në këtë sallë dhe kudo në Shqipëri e di se sa e rëndësishme është që të mos grabitet vota e tij.
Prandaj vazhdoni këtë punë të mirë. Vazhdoni të bëni presion. Duhet ta dini që komuniteti ndërkombëtar është me ju! Ju keni miq kudo anembanë botës por edhe një mik të madh, Shtetet e Bashkuara të Amerikës që kërkon të shohë një Shqipëri të begatë, të suksesshme, një Shqipëri të lirë dhe demokratike.
