Sot bëhet një vit nga tentativa për grusht shteti në Turqi, prapa të cilit qëndron një grup ushtarakësh të komandës turke.
Përpjekja e ushtrisë turke për ta marrë pushtetin në Turqi me forcë, dështoi pas thirrjes që presidenti turk Rexhep Taip Erdogan u bëri qytetarëve përmes rrjeteve sociale, të cilët në mënyrë masive dolën dhe bllokuan forcat ushtarake.
Pas kësaj dite, më shumë se 50 mijë ushtarë, policë e nëpunës shtetërorë u burgosen, kurse dhjetra mijëra të tjerë u larguan nga vendet e punës. Për këtë pushteti turk e ka akuzuar lëvizjen Fetho të klerikut Fehtullah Gulen, i cili jeton në SHBA.
Tentimi i grushtit të shtetit në Turqi ka lënë shumë pyetje të pasqaruara, pasi disa nga vendet perëndimore për këtë e akuzojnë presidentin Erdogan, i cili përmes këtij plani arriti që të forcojë pushtetin e presidentit dhe të marrë kompetenca më të mëdha për vete.
