Frank Cali, bosi i vrarë i familjes mafioze Gambino, do të prehet në një mauzolë madhështore në Staten Island me pamje nga oqeani, dhe që i ka kushtuar ortakëve të tij plot 45 000 dollarë.
Pas ceremonisë mortore varrmihësi u tha mediave amerikane se Frankos i është rezervuar një vend në qendër të ndërtesës madhështore, vendosur në majë të një kodre.
Në këtë ndërtesë prehen dhe emra të tjerë të famshëm të mafias së Nju Jorkut, si Costantino Paul ‘Big Paul’ Castellano, i cili ishte kreu i familjes Gambino deri sa u vra në vitin 1985, në moshën 70-vjeçare.
Kujtojmë se bosi i familjes kriminale Gambino, Francesco Cali, i njohur me nfokën “Franky Boy”, është ekzekutuar pranë shtëpisë së tij në New York. Cali është i pari bos i mafias që vritet në New York prej vitit 1985, kur John Gotti urdhëroi ekzekutimin e bosit të atëhershëm të familjes Gambino, Paul Castellano.
I lindur në Siçili, Cali u bë bosi i familjes Gambino në vitin 2015 dhe konsiderohej si një “Padrino” i shkollës së vjetër, pasi shihej rrallë në publik dhe nuk binte shumë në sy. Ai futi “gjak të ri” nga Italia në familje dhe u përqendrua në tregun e heroinës./Opinion.al
