Vehap Kola
Ramazani është një muaj i kremtuar me një jetë intensive shpirtërore nga 1.8 miliard myslimanë anekënd botës. Për shumicën e jomyslimanëve, por edhe për vetë një pjesë të myslimanëve Ramazani konsiderohet muaj i shenjtë. Në fakt, ai nuk radhihet ndër 4 muajt e shenjtë të kalendarit mysliman. Por, nëse ju jeni mik apo i afërm i një myslimani dhe dëshironi të tregoni kujdes dhe konsideratë për të, a ka ndonjë gjë që duhet të bëni që të mos bëheni josensitiv ndaj mikut tuaj agjërues në Shqipëri?
Përgjigja e shkurtër është JO! Përgjigja e gjatë është JO!
Por, ju mund të fitoni pikë nëse ndiqni këto dhjetë hapa.
1. Mund të hani pa asnjë shqetësim para syve tanë …
Për 30 ditët e ardhshme, myslimanët në vende të ndryshme të botës do të abstenojnë nga të ngrënët dhe të pirët gjatë orëve të ditës. Kjo nuk do të thotë se ata nuk do të bëjnë atë që kanë bërë çdo ditë: punë, studim, apo pjesëmarrje.
2. … por përpiquni të mos parashikoni drekë pune
Nëse u duhet të shtroni një drekë pune, bëjeni. Por mos u ndjeni keq nëse një mysliman që agjëron të ulet aty, si një vegjetarian në një barbeque. Pra, për një bisedë të këndshme, mirëkuptojeni kolegun tuaj mysliman, nëse ai nuk e shfrytëzon këtë mundësi.
3. Nuk keni përse agjëroni me ne …
Mund të agjëroni nëse dëshironi të provoni se çfarë ndjesie është. Por nuk do t’i lëndojë ndjenjat tona, edhe nëse jeni miqtë tanë më të afërt.
4. … por mund të na shoqëroni gjatë iftarit
Iftari është vakti i çeljes së agjërimin pas perëndimit të diellit. Neve na pëlqen ta shndërrojmë atë në një vakt të madh komunitar. Duhet të vini edhe ju.
5. Nuk është e nevojshme ta dini kur fillon …
Ramazani nuk ështësi Krishtlindja apo Dita e Pavarësisë, pasi kushdo e di saktësisht datën e tyre. Ai zhvendoset gjatë vitit, pasi kalendari islam është hënor. Koha kur fillon varet nga fakti nëse është parë hëna e re. Kjo është arsyeja përse data e saktë ndryshon nga viti në vit.
6. … por ju lutemi jini pak fleksibël
Mënyra si ne e përcaktojmë kohënkur fillon Ramazani është përfundimisht një metodë e vjetër: hena duhet parë fizikisht. Kjo është arsyeja përse kolegu juaj thotë “duke filluar nga nesër, a mund ta filloj punën më herët, që ta mbyll më herët?” – mundohuni t’i gjeni një zgjidhje.
7. Përsëri do të dalim për kafe me juve …
Nuk mund të pimë. As ujë. Por do të dalim me ju nëse doni të bëni një pushim.
8. … por mund të mbajmë njëfarë distance
Aroma e gojës: nuk hahet as pihet gjatë gjithë ditës. Kjo është arsyeja përse ne mund të qendrojmë një hap më larg kur bisedojmë.
9. Mund të na thoni “Ramazan të mbarë!”…
Në rastin e Ramazanit, nuk ka ndonjë kontradiktë teologjike që të frikësoheni kur uroni. Kolegët tuaj myslimanë do ta vlerësojnë këtë përkujdesje.
10. … por ju lutemi, mos thoni, “duhet të agjëroj edhe unë. Duhet të humbas peshë”
Ramazani nuk ka atë qëllim. Plus që, një nga efektet anësore të Ramazanit është shpeshherë obeziteti (për shkak të mbingrënies gjatë orëve të natës).
