Fundajvën që lamë pas aktori i famshëm Aziz Ansari u akuzua për sulm seksual. Vajza që e akuzon është një 23 vjeçare e cila foli për herë të parë në uebsajtin babe.net. Nën pseudonimin Greis, ajo shprehet se përpara 1 viti kishte dalë në një takim romantik me aktorin, por që ishte kthyer në natën në të keqe të jetës së saj.
Greis rrëfen se me Ansarin ishte takuar mbrëmjes pas ndarjes së çmimeve Emmy në vitin 2017. Ajo pranon se e kishte marrë vetë iniciativën të fliste me të. Pasi flirtuan pak atë natë, aktori dhe Greis shkëmbyen numrat dhe disa ditë më vonë, dolën në një takim romantik.
Në rrëfimin e saj Greis tregon se u largua nga banesa e aktorit duke u ndjerë shumë në siklet dhe e viktimizuar. Ajo shprehej se aktori i kishte injoruar shenjat jo verbale, – por sipas saj mjaft të qarta,- që nuk dëshironte të kryente marrëdhënie me të.
Të nesërmen vajza i ka dërguar një mesazh aktorit duke i shprehur atë që ndjente, duke marrë si përgjigje nga ai “Mesa duket i kam keqkuptuar gjërat dhe më vjen shumë keq”.
Ansari është një feminist i vetëdeklaruar. Në ndarjen e çmimeve të Golden Globe ai gjithashtu vuri spilën me hashtagun #TimesUp. Aktori dhe komediani i famshëm e pranoi që kishte dalë në një takim me vajzën. Ndër të tjera ai thotë:
“Në shtator të vitit që shkoi takova një vajzë në një festë. Shkëmbyem numrat dhe mesazhe, e në fun dolëm në një takim romatik. Hëngrëm darkë e më pas kryem marrëdhënie në banesën time, që sipas të gjitha shenjave mua mua duk sikur ishim të dy dakort.
Ditën tjetër marr një mesazh nga ajo që me thotë se nuk ishte ndjerë rehat, edhe pse mund të jetë dukur ashtu. Është e vërtetë që mua mu duk sikur çdo gjë ishte në rregull, por kur mora vesh që ajo nuk ishte ndjerë njësoj si unë u shqetësova. I mora fjalët e saj shumë afër emrës e më pas iu përgjigja që më vjen keq dhe që jam keqkuptuar.”
Aktori u shpreh se pavarsisht kësaj ngjarje, ai vazhdon ta mbështesë dhe do ta mbështesë deri në fund lëvizjen #TimesUp. Kjo përgjigje nuk u prit ashtu siç ishte e menduar nga aktori. Shumë njerëz kanë shkruar në lidhje me rrëfimin e tij, duke thëmë se kjo nuk dukej si kërkesë falje, nuk ishte e mjaftueshme, e madje duke e akuzuar që ai i ka injoruar qëllimisht shenjat e vajzës.
