Ditën e sotme një tjetër parti është larguar nga koalicioni opozitar “Për një Shqipëri Madhështore”.
Përmes një letre ku njofton Komisionin Qendror të Zgjedhjeve për tërheqjen nga koalicioni, partia Aleanca Arbnore Kombëtare thotë se nuk kanë funksionuar marrëdhëniet me këtë koalicion.
Kjo parti është tërhequr gjithashtu nga çdo aktivitet elektoral për zgjedhjet parlamentare të 11 Majit.
”E bëjmë këtë kërkesë-deklaratë për t’u çliruar nga çdo detyrim që rrjedh nga pjesëmarrja në zgjedhje”, thuhet në shkresën që mban firmën e kryetarit të AAK-së.
