Pas anulimit të HEC në kanionet e Osumit në Skrapar, janë ngritur edhe banorët e Dibrës. Shpella e Saponikës, monument natyre i shpallur në vitin 2002 dhe 20 metra më poshtë gryka e ngushtë e Setës janë të kërcënuara me “shkatërrim”.
Katër hidrocentrale kanë nisur të ndërtohen, çka ka sjellë dhe kundërshtimin e banorëve të zonës. Për projektin “HEC Seta 4”, ata tentuan të bllokojnë disa herë punimet, madje për këtë forcat e policisë proceduan penalisht gjithë fshatin.
Ndërtimi i HEC-eve kundërshtohet dhe nga ambientalistët.
Sipas banorëve dhe avokatëve të tyre, ky projekt duhet të anulohet pasi rrezikon të thajë gjithë kanionin që shtrihet në një gjatësi prej 2.4 km. Projekti parashikon ndërhyrjen e tubacioneve në 5 burime uji, çka sipas ambientalisteve shkatërron ekosistemin.
