Imazhi i fshehur i foshnjës Jezus është zbuluar në tablonë ikonike, “Virgjëresha e Shkëmbinjve”, të Leonardo Da Vinçit.
Në tablo, Jezusi gjendet në të djathtë të pjesës fundore, por nuk mund të shihet me sy të lirë. Imazhi që nuk ishte parë asnjëherë u zbulua përmes një teknologjie shumë të avancuar skanimi pasi mund ta dallohet vetëm falë rrezeve makro-fluorishente X.
“Ishte sikur të gjeje një gjilpërë në një mullar kashte. Por është një ndjesi shumë madhështore të gjesh këto imazhe të fshehura”, deklaroi profesori Pier Luigi Dragotti nga Kolegji Imperial i Londrës.
Leonardo da Vinci e ka pikturuar dy herë tablonë “Virgjëresha e Shkëmbinjëve”. Ato kanë thuajse të njëjtin kompozim, por ekspertët kanë skanuar versionin e dytë. Ata mendojnë se ajo është pikturuar përpara vitit 1508. Piktura është 1.8 metra e lartë dhe është realizuar me bojëra vaji.
Vitin e kaluar, një skicë ndryshe e Virgjëreshës Mari u zbulua më lart në tablo duke përdorur rrezet infra të kuqe./Opinion.al
