Neymar ka nënshkruar një kontratë të re e cila e mban të lidhur brazilianin me skuadrën e Paris St-Germain deri më 30 qershor 2025. Lajmi u bë I ditur nga vetë klubi, të cilit 29-vjeçari iu bashkua në vitin 2017 duke lënë Barcelonën për një shifër rekord transferimi prej 222 milion euro.
“Unë jam shumë i lumtur, shumë i lumtur që po zgjas kontratën time me Parisin deri në vitin 2025,” tha Neymar në faqen zyrtare të PSG.
“E vërteta është se unë jam shumë i lumtur që do të qëndroj këtu edhe për katër vjet, të jem pjesë e projektit të klubit, të provoj dhe të fitoj tituj, të provoj dhe të arrij ëndrrën tonë më të madhe që është Champions League. Kështu që jam i lumtur që do të qëndroj në klub, të jem pjesë e tij dhe të zgjas kontratën time”, u shpreh ai.
PSG arriti në finalen e Ligës së Kampionëve në vitin 2020 dhe u mund nga Manchester City në fazën gjysmëfinale të këtij sezoni. Braziliani beson se ai ende mund të fitojë çmimin më të madh të futbollit të klubit evropian duke qëndruar në Paris.
“Qëllimi im kur erdha këtu ishte të ndihmoja për të arritur Paris Saint-Germain në krye, ndër më të mirët dhe ne jemi duke u afruar,” tha ai.
“Ne po fitojmë gjithnjë e më shumë përvojë që na ndihmon në lojën e niveleve të tilla, për të ditur se si të luajmë në Champions League. Dhe Parisi është në rrugën e duhur, ne po i afrohemi gjithnjë e më shumë shijes së fitores Ligës së Kampionëve. Jam i sigurt që mund ta bëjmë ”, tha Neymar. ipas “L’Equipe” Neymar në vitet e ardhshme do të paguhet 30 milionë euro në sezon. /Opinion.al
