Halit Valteri, është kandidati i radhës nga lista shumëemërore e PD-së që ka dorëzuar në KQZ formularin e dekriminalizimit, duke pranuar mandatin. Ai ka qenë i 41 në listën e PD-së në Tiranë.
Dy ditë më parë, opozita është braktisur nga një tjetër aleat i zgjedhjeve të 2017-ës. Kryetari i Partisë Bashkimi Popullor i Pensionistëve të Shqipërisë, Selami Jenishehri, po ashtu ka dorëzuar formularin e dekriminalizimit në Komisionin Qendror të Zgjedhjeve.
Jenishehri, ishte në listën e Partisë Demokratike në Qarkun e Tiranës, me numrin 46 e do të zëvendësojë Fatmir Mediun.
Jenishehri rezulton të jetë i dënuar në vitin 2001 nga Gjykata e Rrethit Gjyqësor në Shkodër për veprën penale të mashtrimit, por ai e hedh poshtë duke pretenduar së është shpallur i pafajshëm dhe gjithçka është trillim i gjykatave./ Opinion.al
