Një gazetar afgan është qëlluar për vdekje pas një sulmi nga persona të armatosur në provincën qendrore të Ghor.
Bismillah Aimaq, kryeredaktori i një radio lokale, është të paktën gazetari i pestë që është vrarë në Afganistan në dy muajt e fundit, raporton BBC. Aimaq i mbijetoi një sulmi tjetër muaj më parë.
Për shumë nga sulmet, zyrtarët kanë akuzuar Talibanët se janë përgjegjës për vrasjet.
Bisedimet midis kryengritësve dhe qeverisë Afgane do të rinisin javën e ardhshme, megjithëse dhuna ka vazhduar edhe gjatë diskutimeve të tyre.
Të dy palët kanë bërë përparim në çështjet paraprake, por ende nuk kanë filluar të diskutojnë një armëpushim ose marrëveshje për ndarjen e pushtetit./Opinion.al
