Spanja dhe Franca do të përballen mbrëmjen e sotme në gjysmëfinalen e parë të EURO 2024, në Mynih.
Spanja është skuadra që ka dhuruar lojën më të bukur gjatë këtij edicioni, ndërkohë nga ana tjetër është Franca, e cila ka shkuar deri në këtë pikë falë 2 autogolave, një penalltie në kohë të rregullt dhe një serie penalltish në çerekfinale.
Ekipet elitare do të përballen sot, për të caktuar një finaliste, me shumëkënd që mendon se ky duel do të jetë ai i cili do të prodhojë edhe emrin e ekipit fitues të turneut.
Disa minuta para nisjes së ndeshjes, trajnerët kanë bërë publike formacionet zyrtare për skuadrat përkatëse.
FORMACIONET ZYRTARE:
SPANJA: Unai Simon; Hesus Navas, Naço, Laport, Kukureja; Rodri, Fabian Ruiz; Lamin Jamal, Dani Olmo, Niko Uilliams; Morata.
Trajner: Luis De La Fuente
FRANCA: Menja; Kunde, Upamekano, Saliba, T. Hernandez; Kante, Tçuameni, Rabio; Dembele, Kolo Muani, Mbape.
Trajner: Didier Deshamp
