Ekspertët po punojnë për zhvillimin e testeve të reja, të cilat mund të zbulojnë kancerin në trupin e njeriut. Kryesisht ekspertët po zhvillojnë projekte të cilat lidhen me zbulimin e kancerit nëpërmjet testeve të gjakut.
20 prej këtyre testeve janë ende në faza të ndryshme zhvillimi, të cilat pritet të që të matin “sinjalet” e kancerit, të cilat janë substanca biologjike të derdhura nga kanceret si fragmente të ADN-së së tumorit. Disa teste mbi të cilët ende po punohet mund të identifikojnë organin ose indin e përfshirë.
Shumë ekspertë besojnë se teste të tilla, të cilat analizojnë substancat në gjak dhe që mund të zbulojnë kancerin, përfaqësojnë një kapitull të ri të mrekullueshëm në zbulimin e kësaj sëmundje.
Testet mund të jenë veçanërisht të dobishme për gjetjen e kancereve “të heshtur”, si kanceri i pankreasit, i cili shpesh nuk shkakton simptoma derisa sëmundja të avancohet dhe të jetë më e vështirë për t’u trajtuar.
Por pavarësisht progresit, ekspertët thonë se testet nuk janë ende gati për të zëvendësuar testet standarde të kujdesit si kolonoskopia, mamografia ose testi Pap, por synojnë t’i plotësojnë ato.
