Në lagjen Agia Varvara në Athinë janë dëgjuar të shtëna kallashnikovi.
Sipas mediave greke një person me motor ka ndaluar në rrugicën e lagjes dhe ka shtënë 25 herë me kallash në drejtim të pallateve.
Nga të shtënat nuk ka pasur të lënduar por dëme materiale, ku muret dhe xhamat e banesave janë goditur.
Mësohet se banorët janë zgjuar nga zhurma dhe nuk kanë kuptuar se çfarë ka ndodhur. Një grua ka qenë duke ushqyer fëmijën e saj në momentin kur pasqyra përballë saj është goditur nga një plumb.
Policia ka nisur hetimet për arrestimin e autorit./Opinion.al
