Presidenti amerikan Donald Trump tha se Rusia “duhet të tërhiqet” nga Venezuela. Komentet vijnë pas arritjes së personelit ushtarak rus, ditët e fundit në Venezuelë.
“Të gjitha opsionet janë të hapura,” tha disa herë Trump të mërkurën, në përgjigje të pyetjes së një gazetari nëse Shtetet e Bashkuara janë të gatshme të dërgojnë trupa në terren për të hequr rusët.
Presidenti shtoi se Moska është shumë e vetëdijshme për qëndrimin e SHBA. Presidenti Trump foli për gazetarët në Shtëpinë e Bardhë, në prani të zonjës Fabiana Rosales, gruaja e udhëheqësit të opozitës venezueliane dhe presidentit të vetëshpallur, Juan Guaido.
Ajo shkoi në Zyrën Ovale pas një takimi me zëvendëspresidentin Mike Pence. Disa analistë e shohin retorikën e Trump, duke i shtuar kësaj praninë e forcave ruse në Venezuelë, si diçka që e shton rrezikun e një konfrontimi atje./Opinion.al
