Pedagogu Ervin Karamuço tha se ishte kontaktuar këtë të martë nga dy gazetare ruse, të cilat në një farë mënyrë kanë kërkuar të sqarojnë diçka më shumë lidhur me vdekjen e 4 turistëve rusë në një hotel në Qerret të Kavajës.
Karamuço tha se gazetaret kanë patur një pretendim, lidhur me një lajm të pakonfirmuar në mediat shqiptare, se 60-vjeçari Sergei Burenkov kishte qenë një ushtarak i lartë në vendin e tij.
“Jam kontaktuar nga dy gazetare ruse që në një farë mënyre kërkonin llogari se ç’punë keni ju që prishini imazhin e shtetit tonë lidhur me një vrasje që mund të jetë aksidentale. Ju thashë se detyra ime është të ndriçoj studentët e mi mbi çdo lloj krimi që ka ndodhur”, u shpreh pedagogu./Opinion.al
