Një asistent personal i Presidentit Donald Trump ka rezultuar pozitiv në testin për koronavirusin duke u bërë rasti i parë i njohur i konfirmuar në Krahun Perëndimor të Shtëpisë së Bardhë.
“Kohët e fundit jemi njoftuar nga Njësia Mjekësore e Shtëpisë së Bardhë se një anëtar i Ushtrisë së Shteteve të Bashkuara, i cili punon në kampusin e Shtëpisë së Bardhë, ka testuar pozitiv për koronavirus,” tha Sekretari kryesor i shtypit Hogan Gidley në një deklaratë.
“Presidenti dhe Zëvendës Presidenti kanë testuar negativisht për virusin dhe ata mbeten në gjendje të mirë shëndetësore,” shtoi Gidley.
Krahur Perëndimor i Shtëpisë së Bardhë përfshin të gjitha zyrat e presidentit, Dhomën Ovale, Dhomën e Kabinetit, Sallën e Situatave dhe Dhoma e Ruzvelt.
Anëtari i Marinës amerikane, i cili punon si asistent personal i Trump, filloi të shfaqë simptoma të virusit para se të testonte pozitiv për COVID-19 të mërkurën, raportoi së pari CNN.
Presidenti dhe Zëvendës Presidenti Mike Pence kontrollohen rregullisht për COVID-19 dhe kushdo që vjen në kontakt të ngushtë me secilin nga drejtuesit, gjithashtu testohet duke përdorur makinën e shpejtë Abbott Labs. /Opinion.al
