Në librin e saj “Inside Out” aktorja Demi Moore ka treguar shumë fakte të pathëna më parë nga jeta e saj, shumë prej të cilave kanë qenë tronditëse.
Ajo është ndalur edhe tek martesa e saj e parë me muzikantin Freddy Moore, i cili aktualisht është 69-vjeç. Moore ka rrëfyer se natën përpara se të martohej me Moore e ka tradhtuar me dikë tjetër.
“Një natë para se të martoheshim, në vend që të bëja betimet e mia, telefonova një djalë që kisha takuar në një film. U largova nga festa ime e beqarisë dhe shkova në shtëpinë e tij”, -shkruan Moore.
Gjithashtu ajo ka shkruar se i ka bërë vetes pyetjen se përse nuk shkoi tek personi me të cilin do të kalonte jetën për të shprehur dyshimet e saj, por më pas ka shtuar se nuk mund t’a përballonte faktin po martohej vetëm për të shpërqendruar veten nga pikëllimi i vdekjes së të atit.
“Ndjeva që nuk kishte më mundësi për të diskutuar diçka që kisha nisur vetë dhe që do të bëhej. Nuk mund të ikja nga martesa, por mund t’a sabotoja atë,”-ka shkruar aktorja në librin e saj.
Ajo dhe Moore u martuan në vitin 1980, kur aktorja ishte vetëm 17-vjeç. Kur u njohën muzikanti ishte i martuar dhe u nda nga bashkëshortja e tij, për t’u lidhur me Demin.
Që prej martesës së tyre Demi ka mbajtur mbiemrin e muzikantit duke u prezantuar me emrin e artit “Demi Moore”, pasi emri i saj i vërtetë është Demi Gene Guynes.
Ata u ndanë në vitin 1985. Martesa e dytë e aktores ishte me aktorin Bruce Willis në 1987 me të cilin ka tre fëmijë Rumer, 31 vjeç, Scout, 28 vjeç dhe Tallulah Belle, 25. Martesa e saj e dytë me Willis përfundoi në vitin 2000.
Më pas aktorja u martua për herë të tretë me aktorin Ashton Kutcher në vitin 2003, por vite më vonë u ndanë./Opinion.al/
