Mes 19 të shëruarve në 24 orët e fundit, janë një mjek dhe 2 infermierë.
Lajmi i mirë, u bë me dije nga Ministrja e Shëndetësisë dhe Mbrojtjes Sociale, Ogerta Manastirliu, nëpërmjet një postimi në faqen e saj në Facebook.
Deri tani janë shëruar 39 personel shëndetësor, ndërsa në total në vendin tonë janë shëruar 302 persona të prekur nga koronavirusi.
“1 mjek dhe 2 infermiere në Tiranë janë shëruar pas testit konfirmues në laboratorin e virologjisë në ISHP, mes 19 të shëruarve në 24 orët e fundit . Shkon në 39 numri i personelit mjekësor të #shëruar nga COVID-19.
Për të shtatën ditë rradhazi, numri i të shëruarve është më i lartë se numri i të infektuarve aktivë. Deri tani janë 302 pacientë dhe staf mjekësor që e kanë fituar betejën me Covid-19”, shkruan Manastirliu./Opinion.al
