Këngëtari Nick Jonas dhe aktorja Priyanka Chopra, kurorëzuan dashurinë e tyre në dhjetor të vitit që lamë pas, në një ceremoni që zgjati disa ditë dhe përfshiu traditat e të dyja palëve duke u kthyer në dasmën më të komentuar në media.
Prej asaj kohe vazhdimisht nëpër intervista apo edhe në postime të ndryshme në rrjete sociale, Nick dhe Priyanka kanë treguar se janë kokë e këmbë të dashuruar. Madje, Priyanka është shumë e afërt edhe me të afërmit e bashkëshortit, sidomos me vëllezërit e tij.
Sot, Kevin feston 32-vjetorin e lindjes dhe aktorja s’ka vonuar t’i bëjë një urim mjaft prekës në Instagram, krahas një fotografie shumë të këndshme, ku Kevin kujdeset që Priyanka të mos rrëzohet.
“Për vëllain që gjithmonë më mbështet. Gëzuar ditëlindjen Kevin, uroj që ky vit të jetë më i miri! Të dua shumë”- janë fjalët e Priyanka-s për kunatin në postimin që ka marrë qindra mijëra komente dhe pëlqime./Opinion.al
