Kur Bebe Rexha i bëri një ftesë tre këngëtareve të njohura shqiptare në Britaninë e Madhe për të bashkëpunuar, të gjithë shqiptarët u entuziamuan. Por që pas atij statusi, dhe pas konfirmimit të artisteve për këngën, u duk se projekti u harrua.
Por Rita Ora në një intervistë për radion filipinase “MYX” u shpreh optimiste rreth këtij bashkëpunimi me artistet shqiptare, Bebe Rexhën, Dua Lipën dhe Ava Max.
“Nuk kemi filluar ende me bashkëpunimin, por mendoj se do të ishte super fantastike, sepse jemi të gjitha shqiptare dhe ky do të ishte moment magjik për Shqipërinë”, ka thënë Rita.
Gjithashtu gjatë intervistës ajo foli edhe për Bebe Rexhën, me të cilën është shumë shoqe:
“Ajo është shqiptare si unë, kështu që kam pak kohë që e njoh. Dhe mendoj se është shumë e talentuar si tekstshkruese dhe artiste”.
Në fund të janarit, ishte Bebe Rexha, e para që hodhi idenë e bashkëpunimit me Ritën, Duan dhe Avan për të sjellë një super hit me rrënjë shqiptare./Opinion.al
