Në Japoni është shënuar rasti i parë i njohur i ripërsëritjes së Koronavirusit. Një grua rreth të 40-ve ka rezultuar pozitive me C0vid-19 për herë të dytë.
Ministria e Shëndetësisë në Japoni ka raportuar se ajo ishte diagnostifikuar si e infektuar për herë të parë më 29 Janar. Dyshimet janë se 40-vjecarja e ka marrë virusin në vendin e punës si guidë turistike pasi kishte shoqëruar një grup turistësh nga Wuhani në muajin janar.
Ajo është banore në Osaka në Japoninë perëndimore, dhe rezultoi sërish pozitive pasi ishte shfaqur në spital me dhimbje fyti dhe gjoksi.
Sipas të dhënave të fundit nga OBSH-ja, koronavirusi ka prekur 82,393 persona, nga të cilët 2,807 kanë humbur jetën, 32,968 janë shëruar, ndërsa 46,618 janë aktualisht të infektuar.
Nga numri total i të infektuarve 38,149 persona janë në gjendje të qëndrueshme, ndërsa 8,469 në gjendje kritike./Opinion.al
