Shefi i Komisariatit të Kamzës ka bërë një deklaratë për mediat në lidhje me ngjarjen e rëndë në laknas, ku mbeti i vrarë një person dhe u plagos një tjetër.
Policia bëri të ditur se pasditen e sotme në fshatin Laknas, 70-vjeçari Maliq Marku qëlloi për vdekje shtetasin Shefqet Hasa dhe plagosi shtetasin Besim Keça, për një kanal të ujërave të zeza.
Shefi i komisariatit bëri të ditur se është bërë arrestimi i autorit të krimit në banesën e tij.
Po ashtu u sqaroi faktin se palët nuk kanë pasur konflikte më parë dhe se konflikti ka qenë i momentit.
“Sot rreth orës 14:30, kemi marrë njoftim në lidhje me një ngjarje kriminale. Menjëherë forcat e policisë kanë kapur dhe arrestuar autorin e ngjarjes, Maliq Marku në banesën e tij.
Është bërë dokumentimi i ngjarjes. Rezulton se janë dy persona të dëmtuar, shtetasi Shefqet Hasa që ka ndërruar jetë dhe është plagosur, Besim Keça që është jashtë rrezikut për jetën.
Nuk kanë pasur konflikte të mëparshme. Shkaku ka qenë për motive të dobëta.
Bëhet fjalë për një kanalizim të ujërave të zeza. Konflikti ka qenë i çastit, nuk ka pasur konflikte të mëparshme”, tha Shefi i Komisariatit të Kamzës./opinion.al
